XX. mendeko Euskararen Corpus estatistikoa

Testuingurua

Zuk ferekatu zenuen ezkerreko eskuz eta zuregandik nahiko urruti mantendu bitartean, larrukia gordetzen zuen zure eskuineko eskua belaunen artean zintzilik suaren oso hurbil geratzen zen.

Halako batean sugarrek larrukia erre behar zutela ere pentsatu nuen eta esatekotan egon nintzen, baina hitzegiten hasi baino lehen zuk erretiratu egin zenuen larrukia eta haren behaketan hasi.

Ikusitako zehaztasun horiek guztiak kontutan nituelarik, ez nuen inongo zalantzarik izan beroa zela larrukiaren azalean marrazturik aurkitu nuen buruhezurraren zirriborroa sortarazi zuen eragilea.

Zuk badakizu badirela gaur eta beti ezagutu diren paper eta larruki gainean idazteko preparatu kimikoak, zeinak ikustezinak bihurtzen bait dira beroaren eragina jasaten ez duten bitartean.

Batzutan zafrea * kobalto oxidoz eta kuartzoz osatutako hautsa erabili ohi da aqua regia-n disolbatuz eta ondoren bere pisua adinako lau aldizko uretan diluituz; kolore berdekoa geratu ohi da.

Kobaltozko erreguloa * meaki birfindua nitroaren urinetan disolbatuz kolore gorrikoa sortzen da.

Kolore hauek, hotzean, desagertu egiten dira idatzi ondorengo denboratxo txiki edo handixeagoan, baina birragertu egiten dira beroaren eraginpean.

Arreta osoz, ikertu nuen orduan buruhezurra.